Rudrastakam in Telugu
నమామీశమీశాన నిర్వాణరూపం
విభుం వ్యాపకం బ్రహ్మవేదస్వరూపమ్
నిజం నిర్గుణం నిర్వికల్పం నిరీహం
చిదాకాశమాకాశవాసం భజేహమ్
నిరాకారమోంకారమూలం తురీయం
గిరాజ్ఞానగోతీతమీశం గిరీశమ్
కరాలం మహాకాలకాలం కృపాలుం
గుణాగారసంసారపారం నతోహమ్
తుషారాద్రిసంకాశగౌరం గభీరం
మనోభూతకోటిప్రభాసీ శరీరమ్
స్ఫురన్మౌలికల్లోలినీ చారుగంగా
లసద్భాలబాలేందు కంఠే భుజంగమ్
చలత్కుండలం శుభ్రనేత్రం విశాలం
ప్రసన్నాననం నీలకంఠం దయాలుమ్
మృగాధీశచర్మాంబరం ముండమాలం
ప్రియం శంకరం సర్వనాథం భజామి
ప్రచండం ప్రకృష్ఠం ప్రగల్భం పరేశం
అఖండం భజే భానుకోటిప్రకాశమ్
త్రయీశూలనిర్మూలనం శూలపాణిం
భజేహం భవానీపతిం భావగమ్యమ్
కలాతీతకల్యాణకల్పాంతకారీ
సదాసజ్జనానందదాతా పురారీ
చిదానందసందోహమోహాపహారీ
ప్రసీద ప్రసీద ప్రభో మన్మథారీ
న యావదుమానాథపాదారవిందం
భజంతీహ లోకే పరే వా నరాణామ్
న తావత్సుఖం శాంతి సంతాపనాశం
ప్రసీద ప్రభో సర్వభూతాధివాసమ్
న జానామి యోగం జపం నైవ పూజాం
నతోహం సదా సర్వదా దేవ తుభ్యమ్
జరాజన్మదుఃఖౌఘతాతప్యమానం
ప్రభో పాహి శాపాన్నమామీశ శంభో
రుద్రాష్టకమిదం ప్రోక్తం విప్రేణ హరతుష్టయే యే పఠంతి నరా భక్త్యా తేషాం శంభుః ప్రసీదతి
