bakthivahini
ఏవముక్తో హృషీకేశో గుడాకేశేన భారత
సేనయోరుభయేర్మద్యే స్థాపయిత్వా రధోత్తమమ్
భీష్మద్రోణప్రముఖతః సర్వేషాం చ మహీక్షితామ్
ఉవాచ పార్థ పశ్యైతాన్ సమవేతాన్ కురూనితి
అర్థాలు
భారత – ఓ దృతరాష్ట్ర మహారాజ
గుడాకేశేన – గుడాకేశుడు అనగా అర్జునుడు, ఆయన చేత
ఏవముక్తః – ఈ విధంగా చెప్పబడిన
హృషీకేశః – హృషీకేశుడు అంటే కృష్ణుడు
సేనయోరుభయేర్మద్యే – రెండు సైన్యాల మధ్యలో
భీష్మద్రోణప్రముఖతః – భీష్ముడు, ద్రోణుడు మరియు ఇతర ప్రముఖుల సమక్షంలో
చ – మరియు
సర్వేషామ్ – అందరు
మహీక్షితాం – అధిపతులు (రాజులు)
రధోత్తమమ్ – అత్యుత్తమ రథాన్ని
స్థాపయిత్వా – నిలిపి
ఇతి – ఈ విధముగా
ఉవాచ – అన్నాడు
పార్థ – పార్థ, అర్జునుని మరో పేరు, ఓ అర్జునా
సమవేతాన్ – యుద్ధం కోసం చేరి యున్న
ఏతాన్ – ఈ
కురూన్ – కౌరవులను
పశ్య – చూడుము
భావం
శ్రీ కృష్ణుడు అర్జునుని యొక్క ఉన్నతమైన రథాన్ని సంగ్రామంలో ఇరు సైన్యాల మధ్య నిలిపి, అందరిని చూసి ఇలా చెప్పాడు. ఈ సైన్యంలో భీష్ముడు, ద్రోణుడు, మరియు ఇతర మహానుభావులైన రాజులు అందరూ యుద్ధం చేయుటకై సిద్దమై ఉన్నారు. వారి అందరిని ఒక్కసారి పరిశీలించు అర్జునా అని భావానుడు పలికెను.
మానవ జీవితంలో
ఆత్మపరిశీలన
మనం ఎప్పుడు ఏదైనా సంకల్పం చేయాలి అనుకున్నప్పుడు మన పరిస్థితిని, మన స్థితిగతులను మరింత విశ్లేషన చేయాలి. కృష్ణుడు అర్జునుని సైన్యాల మధ్య నిలిపినట్టు, మనం కూడా మన జీవితాన్ని అన్ని వైపులా పరిశీలించి నిర్ణయాలు తీసుకోవాలి.
నైతిక సంఘర్షణలు
అర్జునుడు తన సన్నిహితులను, గురువులను, బంధువులను ఎదుర్కోవడం ఎలా అనుకుంటున్నాడో, మనం కూడా జీవితంలో ఎప్పుడో ఒకప్పుడు మనకు ఎంతో ప్రియమైన వారిని లేదా మనకు అత్యంత సన్నిహితులను ఎదుర్కొనాల్సి వస్తుంది. ఆ సమయములో మన బాధ్యత, కర్తవ్యం ఏంటి అన్నదే మాత్రమే ఆలోచన చేయాలి.
పరిస్థితుల అంచనా
అర్జునుని యుద్ధ రంగంలో పరిస్థితిని చూడమని కృష్ణుడు సూచించాడు. మనం కూడా జాతీయ, సామాజిక, వృత్తి సంబంధిత పరిస్థితులను, సంబంధాలను ఎప్పుడూ అంచనా వేసుకుని నిర్ణయాలు తీసుకోవాలి.
ముగింపు భగవద్గీతలో అర్జునుని సంఘర్షణ, కృష్ణుడి ఉపదేశం, మరియు ఆయన చూపిన మార్గాలు మన జీవితానికి ఎంతో అద్భుతమైన పాఠాలను నేర్పిస్తున్నాయి. మనం ఎప్పటికప్పుడు న్యాయం కోసం పోరాడుతున్నామా లేదా స్వార్థం కోసం పోరాడుతున్నామా అని ఆత్మపరిశీలన చేసుకోవాలి. మనం కూడా జీవితంలో తరచుగా వ్యక్తిగత బంధాలను, సంబంధాలను అధిగమించి, ఆత్మవిముక్తిని పొందాలి. మనం స్వీయ దృష్టితో మన ఆలోచనలతో నిర్ణయాలను తీసుకోవలసిన అవసరం ఉంటుంది. మన బంధాలు, బాధ్యతలు, మరియు నిర్ణయాలలో సత్యం మరియు న్యాయం అనే శక్తిని ముద్రిస్తాయి, తద్వారా మనం నిజమైన విజయం పొందవచ్చు.
