Aditya Stavam in Telugu

నమస్యే యన్మయం సర్వమేతత్సర్వమయశ్చ యః
విశ్వమూర్తిః పరంజ్యోతిర్యత్తద్ధ్యాయంతి యోగినః

య ఋఙ్మయో యో యజుషాం నిధానం
సామ్నాం చ యో యోనిరచింత్యశక్తిః

త్రయీమయః స్థూలతయార్ధమాత్రా
పరస్వరూపో గుణపారయోగ్యః

త్వాం సర్వహేతుం పరమం చ వేద్య
మాద్యం పరం జ్యోతిరవేద్యరూపమ్

స్థూలం చ దేవాత్మతయా నమస్తే
భాస్వంతమాద్యం పరమం పరేభ్యః

సృష్టిం కరోమి యదహం తవశక్తిరాద్యా
తత్ప్రేరితో జలమహీపవనాగ్నిరూపామ్

తద్దేవతాదివిషయాం ప్రణవాద్యశేషాం
నాత్మేచ్ఛయా స్థితిలయావపి తద్వదేవ

వహ్నిస్త్వమేవ జలశోషణతః పృథివ్యాః
సృష్టిం కరోషి జగతాం చ తథాద్య పాకమ్

వ్యాపీ త్వమేవ భగవన్ గగనస్వరూపం
త్వం పంచధా జగదిదం పరిపాసి విశ్వమ్

యజ్ఞైర్యజంతి పరమాత్మవిదో భవంతం
విష్ణుస్వరూపమఖిలేష్టిమయం వివస్వన్

ధ్యాయంతి చాపి యతయో నియతాత్మచిత్తాః
సర్వేశ్వరం పరమమాత్మవిముక్తికామా

నమస్తే దేవరూపాయ యజ్ఞరూపాయ తే నమః
పరబ్రహ్మస్వరూపాయ చింత్యమానాయ యోగిభిః

ఇతి శ్రీమార్కండేయపురాణే శతతమోధ్యాయే ఆదిత్య స్తవమ్