Vishnu Satpadi
అవినయ మపనయ విష్ణో దమయ మనః శమయ విషయ మృగతృష్ణామ్
భూతదయాం విస్తారయ తారయ సంసారసాగరతః
దివ్యధునీ మకరందే పరిమళ పరిభోగ సచ్చిదానందే
శ్రీపతి పదారవిందే భవభయ ఖేదచ్ఛిదే వందే
సత్యపి భేదాపగమే నాథ తవాహం న మామకీనస్త్వమ్
సాముద్రో హి తరంగః క్వచన సముద్రో న తారంగః
ఉద్ధృతనగ నగభిదనుజ దనుజకులామిత్ర మిత్రశశిదృష్టే
దృష్టే భవతి ప్రభవతి న భవతి కిం భవతిరస్కారః
మత్స్యాదిభిరవతారైరవతారవతావతా సదా వసుధామ్
పరమేశ్వర పరిపాల్యో భవతా భవతాపభీతోహమ్
దామోదర గుణమందిర సుందర వదనారవింద గోవింద
భవజలధి మథన మందర పరమం దరమపనయ త్వం మే
నారాయణ కరుణామయ శరణం కరవాణి తావకౌ చరణౌ
ఇతి షట్పదీ మదీయే వదనసరోజే సదా వసతు
ఇతి శ్రీమత్ శంకరాచార్య విరచితం శ్రీ విష్ణు షట్పదీ స్తోత్రం సంపూర్ణం