Rajarajeshwari Ashtakam Telugu

అంబా శాంభవి చంద్రమౌళి రబలా పర్ణా ఉమా పార్వతి
కాళీ హైమవతి శివా త్రిణయనీ కాత్యాయనీ భైరవి
సావిత్రీ నవయౌవనీ శుభకరీ సామ్రాజ్య లక్ష్మీ ప్రదా
చిద్రూపా పరదేవతా భగవతీ శ్రీ రాజరాజేశ్వరి

అంబా మోహిని దేవతా త్రిభువనీ ఆనంద సందాయనీ
వాణీ పల్లవపాణి వేణు మురళీగాన ప్రియాలోలినీ
కళ్యాణీ ఉడురాజ బింబ వదనా ధూమ్రాక్ష సంహారిణి
చిద్రూపా పరదేవతా భగవతీ శ్రీ రాజరాజేశ్వరి

అంబా నూపుర రత్న కంకరణధరీ కేయూర హేరావళి
జాజీ పంకజ వైజయంతి లహరీ గ్రైవేయ విరాజితా
వీణా వేణు వినోద మండితకరా వీరాసనే సంస్థితా
చిద్రూపా పరదేవతా భగవతీ శ్రీ రాజరాజేశ్వరి

అంబా రౌద్రాణి భద్రకాళి బగళా జ్వాలాముఖీ వైష్ణవీ
బ్రహ్మణీ త్రిపురాంతకీ సురనుతా దేదీప్యమానోజ్వలా
చాముండాశ్రిత రక్షపోష జననీ దాక్షాయణి పల్లవి
చిద్రూపా పరదేవతా భగవతీ శ్రీ రాజరాజేశ్వరి

అంబా శూలధను: కుశాంకుశధరీ అర్ధేందు బింబాధరీ
వారాహీ మధుకైటభ ప్రశమనీ వాణీ రమాసేవితా
మల్లాద్యాసుర మూకదైత్యదమనీ మాహేశ్వరీ అంబికా
చిద్రూపా పరదేవతా భగవతీ శ్రీ రాజరాజేశ్వరి

అంబా సృష్టి వినాశ పాలనకరీ ఆర్యాణి సంశోభీతా
గాయత్రీ ప్రణవాక్ష రామృతరసః పూర్ణానుసంధీకృతా
ఓంకారీ వినుతా సురార్చిత పదా ఉద్దండ దైత్యాపహా
చిద్రూపా పరదేవతా భగవతీ శ్రీ రాజరాజేశ్వరి

అంబా శాశ్వత ఆగమాది వినుతా ఆర్యా మహాదేవతా
యాబ్రహ్మాది పిపీలికాంత జననీ యావై జగన్మోహినీ
యాపంచ ప్రణవాది రేఫజననీ యాచిత్కళి మాలినీ
చిద్రూపా పరదేవతా భగవతీ శ్రీ రాజరాజేశ్వరి

అంబా పాలిత భక్తిరాజిరనిశం అంబాష్టకం యఃపఠేత్
అంబాలోక కటాక్షవీక్ష కలితా ఐశ్వర్య మవ్యాహతా
అంబాపావన మంత్రరాజ పఠనా ద్యంతేన మోక్షప్రదా
చిద్రూపా పరదేవతా భగవతీ శ్రీ రాజరాజేశ్వరి

👉 YouTube Channel
👉 bakthivahini.com