Bhagavad Gita in Telugu Language-1వ అధ్యాయము-Verse 47

Bhagavad Gita in Telugu Language

ఏవముక్త్వార్జునః సంఖ్యే రథోపస్థ ఉపావిశత్
విసృజ్య సశరం చాపం శోకసంవిగ్నమానసః

సంఖ్యే – సైన్యాల మధ్య(రణరంగంలో)
శోకసంవిగ్నమానసః – దుఃఖంతో బాధపడుతున్న మనస్సుతో
అర్జునః: అర్జునుడు
ఏవమ్ – విధంగా
ఉక్త్వా – పలికి
సశరమ్ – బాణాలతో కూడిన
చాపమ్ – ధనస్సును
విసృజ్య – పడేసి
రథోపస్థ – రథంపై
ఉపావిశత్ – కూర్చున్నాడు

ఈ శ్లోకంలో అర్జునుడు యుద్ధంలో తన సన్నిహితులను మరియు గురువులను ఎదుర్కొనాల్సి వస్తుంది అని ఆలోచిస్తూ, తీవ్ర దుఃఖం మరియు సందేహనికి లోనయ్యాడు. అందువల్ల అతను తన ధనుస్సు మరియు బాణాలను పడేసి తన రథంలో చతికిల పడిపోయాడు. ఈ క్షణం భగవద్గీతలో కృష్ణుడి ఉపదేశాలకు మార్గం చూపించే ఒక ముఖ్యమైన క్షణం.

జీవితంలో ప్రతి మనిషి ఏదో ఒకసారి సారి కాదు, అనేకసార్లు అర్జునుడవుతాడు! కష్టసమయంలో, ధైర్యం కోల్పోయినప్పుడు, భయంతో నిలిచిపోయినపుడు… మనకు ఎదురయ్యే ప్రతి సమస్య ఒక కురుక్షేత్ర యుద్ధమే. కాని ప్రశ్న ఏమిటంటే మనం ఆ సమస్యను ఎలా ఎదుర్కొంటాము?

ఈ శ్లోకంలో అర్జునుడు కేవలం తన ధనుస్సును మాత్రమే కాదు, తన ఆత్మవిశ్వాసాన్ని కూడా కోల్పోయిన క్షణాన్ని మనం చూస్తున్నాం. కష్టాల భారం భరించలేక, తన ధైర్యాన్ని కోల్పోయి, తానేం చేయాలో తెలియక రథంలో కూర్చున్నాడు. మన జీవితంలో కూడా ఇలాంటి సమయాలు వస్తాయి. మనం కష్టాలు ఎదుర్కొనలేక దిగులుతో కూర్చుంటాం.
కానీ…
అర్జునుడు అలా నిలిచిపోయాడని, ఆయన ఓడిపోయాడని భగవాన్ శ్రీకృష్ణుడు అనుకోలేదు. ఎందుకంటే ప్రతి ధైర్యశాలి జీవితంలో ఒక చీకటి సమయం ఉంటుంది, కానీ ఆ సమయంలో ఒక గొప్ప మార్పు సంభవించాలి. శోకం మనల్ని కిందకు లాగుతుంది, కాని గీతా బోధనలు మనల్ని పైకి లాగుతాయి!

మనమందరం ఎప్పుడో ఒకప్పుడు అర్జునుడిలానే భయపడతాం. అనుమానాలు మనల్ని పట్టిపీడిస్తాయి. కాని మర్చిపోవద్దు – ప్రత్యేకత దూకుడులో ఉంది, శోకంలో కాదు!

నిరాశ మనల్ని నిలిపివేస్తుంది, కాని కృషి మనల్ని ముందుకు నడిపిస్తుంది!

భయం మనల్ని వెనుకకు లాగుతుంది, కాని విశ్వాసం మనల్ని ముందుకు నడిపిస్తుంది!

సందేహం మనల్ని బలహీనంగా మారుస్తుంది, కాని ఆత్మవిశ్వాసం మనల్ని గెలిపిస్తుంది!

ఈ రోజు మీలోని అర్జునుడు ఎలా ఉన్నాడో ఒక్కసారి ఆలోచించండి. అతను యుద్ధభూమిలో నిరుత్సాహంగా ఉన్నాడా? లేక కృష్ణుని బోధనలను స్వీకరించి ధైర్యంగా ముందుకు సాగుతున్నాడా? అని.

మనకందరికీ కృష్ణుడు మనసులోనే ఉన్నాడు – మన శక్తిని నమ్మమని, మనం ముందుకు సాగాలని చెబుతూ! మీరు మీ విజయాన్ని సాధించాలంటే, ముందుకు అడుగేయాలి. కష్టాలను ఎదుర్కొనాలి. ఒడిదుడుకులు మీ పట్టుదల ముందు నిలవలేవు.

కాబట్టి… చూపించండి, నడచి వెళ్లండి, గెలిచి చూపించండి!

సంకల్పించుకోండి – ఇక మీదట శోకించడం కాదు, ధైర్యంతో ముందుకు నడవండి!

👉 YouTube Channel
👉 bakthivahini.com