Bagavadgita Telugu-అర్జునుడి ధర్మసందేహం-జీవిత పాఠాలు

ఏతాన్న హంతుమిచ్ఛామి ఘ్నతోపి మధుసూదన
అపి త్రైలోక్యరాజ్యస్య హేతోః కిం ను మహీకృతే

మధుసూదన – ఓ మధుసూదన (కృష్ణుడికి మరో పేరు)
ఘ్నతోపి – వారు నన్ను చంపినను
త్రైలోక్యరాజ్యస్య – మూడు లోకాల రాజ్యాదిపత్యం
హేతోః – కోసం
అపి- అయినప్పటికి
ఏతాన్ – వీరిని
హంతుమ్ – చంపడానికి
న ఇచ్ఛామి – నేను కోరుకొను
మధు అనే రాక్షసుడిని చంపినవాడు)
మహీకృతే – ఈ భూమి కోసం
కిం – ఏమి
ను – చెప్పను

ఓ మధుసూదనా ముల్లోకాల ఆధిపత్యము కోసం అయిన నేను ఎవరిని చంపను. ఇక ఈ భూమి మీద పరిపాలన కోసం చెప్పాలా? అంతే కాదు ఈ యుద్ధరంగంలో ఉన్న ఎవరు అయినా సరే నన్ను చంపాలి అనుకున్నను నేను మాత్రం వారిని చంపను అని అర్జునుడు పలికెను.

అర్జునుడు యుద్ధరంగాన్ని చూడగానే, తన కన్నుల ముందు కనిపించిందేమిటి? కేవలం శత్రువులు కాదు, తన సొంత బంధువులు, మిత్రులు, గురువులు! తండ్రులు, పుత్రులు, స్నేహితులు—అందరూ యుద్ధ రంగంలో యుద్ధానికి సిద్దమై ఇక్కడికి చేరియున్నారు. ఆ క్షణంలో అర్జునుడి గుండె బాంధవ్యాల నడుమ ఊగిసలాడుతుంది. “ఆ సమూహాన్ని శత్రువులుగా కాకుండా, బంధుత్వాల పరంగా చూస్తే, వీరిని ఎలా చంపగలను?” అని ఆలోచిస్తున్నాడు.

అర్జునుడి ఈ సందేహం కేవలం వ్యక్తి యొక్క మానసిక స్థితి మాత్రమే కాకుండా, మన జీవితంలోని కూడా నిత్యం మనం ఎదుర్కొనే పెద్ద ప్రశ్న. ధర్మం ఏమిటి? అధర్మం ఏమిటి? జీవితంలో ముందుకు వెళ్లే సమయంలో లేదా మనకు ఎదురయ్యే ప్రతీ పరిస్థితిలో, మనం ఎదుర్కొనే ప్రధాన ప్రశ్న ఇదే.

అర్జునుడి మాటలను వినిన శ్రీకృష్ణుడు, అతనికి భగవద్గీత ద్వారా జీవన మార్గదర్శకత్వం అందించారు. కర్మ యోగం, ధర్మ యోగం మరియు ఆత్మ జ్ఞానం కోసం అర్జునుడికి తెలియజేశారు. “నీ కర్తవ్యమే నిజమైన ధర్మం,” అని కృష్ణుడు అన్నారు. యుద్ధం కేవలం పరిపాలన కోసం కాదు, ఇది ధర్మానికి బలమైన పునాదిని అందించాలనే లక్ష్యంతో చేయాల్సిన కర్తవ్యమని చెప్పారు.

అర్జునుడి ధర్మసందేహం మనకు ఒక గొప్ప పాఠం చెబుతుంది:

• బాధ్యతను భయం లేకుండా తీసుకోవడం.
• ప్రతీ నిర్ణయంలో ధర్మానికి ప్రాధాన్యత ఇవ్వడం.
• మన బలహీనతలను దాటుకుని ధైర్యంగా ముందుకు సాగడం.

మనం ప్రతిరోజూ జీవితంలో ఎన్నో సమస్యలను ఎదుర్కొంటాము. వాటిని ఎటువంటి భయం లేకుండా ఎదుర్కొని, సత్యం, ధర్మం అనే ఆయుధాలతో విజయాన్ని సాధించగలిగితే, మన జీవితమంతా ఒక యుద్ధరంగం అయినప్పటికీ, మనం విజేతలుగా నిలుస్తాం.