Venkateswara Ashtottara Shatanamavali
ఓం శ్రీవేంకటేశః శ్రీవాసో లక్ష్మీ పతి రనామయః
అమృతాంశో జగద్వంద్యో గోవింద శ్శాశ్వతః ప్రభుః
శేషాద్రినిలయో దేవః కేశవో మధుసూదనః
అమృతో మాధవః కృష్ణః శ్రీహరిర్ జ్ఞానపంజరః
శ్రీవత్సవక్షాః సర్వేశో గోపాలః పురుషోత్తమః
గోపీశ్వరః పరంజ్యోతిర్ వైకుంఠపతి రవ్యయః
సుధాతనుర్యాదవేంద్రో నిత్యయౌవనరూపవాన్‌
చతుర్వేదాత్మకో విష్ణురచ్యుతః పద్మినీప్రియః
ధరాపతి స్సురపతి ర్నిర్మలో దేవ పూజితః
చతుర్భుజ శ్చక్రధర స్త్రిధామా త్రిగుణాశ్రయః
నిర్వికల్పో నిష్కళంకో నిరాంతకో నిరంజనః
నిరాభాసో నిత్యతృప్తో నిర్గుణో నిరుపద్రవః
గదాధర శ్శారంగపాణి ర్నందకీ శంఖధారకః
అనేకమూర్తి రవ్యక్తః కటిహస్తో వరప్రదః
అనేకాత్మా దీనబంధుర్ ఆర్తలోక అభయప్రదః
ఆకాశరాజవరదో యోగిహృత్పద్మ మందిరః
దామోదరో జగత్పాలః పాపఘ్నో భక్తవత్సలః
త్రివిక్రమ శ్శింశుమారో జటామకుట శోభితః
శంఖమధ్యోల్లసన్మంజు కింకిణాఢ్యకరంఢకః
నీలమేఘశ్యామతనుర్ బిల్వపత్రార్చనప్రియః
జగద్వ్యాపీ జగత్కర్తా జగత్సాక్షీ జగత్పతిః
చింతితార్థప్రదో జిష్ణు ర్దాశార్హో దశరూపవాన్‌
దేవకీనందన శ్శౌరిర్ హయగ్రీవో జనార్దనః
కన్యాశ్రవణతారేజ్యః పీతాంబర ధరోనఘః
వనమాలీ పద్మనాభో మృగయాసక్త మానసః
అశ్వారూఢః ఖడ్గధారీ ధనార్జన సముత్సుకః
ఘనసారలసన్మధ్య కస్తూరీ తిలకోజ్జ్వలః
సచ్చిదానంద రూపశ్చ జగన్మంగళదాయకః
యజ్ఞరూపో యజ్ఞభోక్తా చిన్మయః పరమేశ్వరః
పరమార్థప్రదః శాంతః శ్రీమాన్‌ దోర్దండవిక్రమః
పరాత్పరః పరంబ్రహ్మ శ్రీవిభుర్ జగదీశ్వరః
ఏవం శ్రీవేంకటేశస్య నామ్నామష్టోత్తరం శతమ్
పఠతాం శృణ్వతాం భక్త్యా సర్వాభీష్టప్రదం శుభమ్
త్రిసంధ్యం యః పఠేన్నిష్యం సర్వాన్‌ కామానవాప్నుయాత్‌
ఇతి శ్రీ వేంకటేశ్వర అష్టోత్తరశతనామ స్తోత్రం
bakthivahini