Venkateswara Mangalasasanam
శ్రియః కాంతాయ కల్యాణనిధయే నిధయేర్థినామ్
శ్రీవేంకట నివాసాయ శ్రీనివాసాయ మంగళమ్
లక్ష్మీ సవిభ్రమాలోక సుభ్రూ విభ్రమ చక్షుషే
చక్షుషే సర్వలోకానాం వేంకటేశాయ మంగళమ్
శ్రీవేంకటాద్రి శృంగాగ్ర మంగళాభరణాంఘ్రయే
మంగళానాం నివాసాయ శ్రీనివాసాయ మంగళమ్
సర్వావయవ సౌందర్య సంపదా సర్వచేతసామ్
సదా సమ్మోహనాయాస్తు వేంకటేశాయ మంగళమ్
నిత్యాయ నిరవద్యాయ సత్యానంద చిదాత్మనే
సర్వాంతరాత్మనే శ్రీమద్-వేంకటేశాయ మంగళమ్
స్వత స్సర్వవిదే సర్వ శక్తయే సర్వశేషిణే
సులభాయ సుశీలాయ వేంకటేశాయ మంగళమ్
పరస్మై బ్రహ్మణే పూర్ణకామాయ పరమాత్మనే
ప్రయుంజే పరతత్త్వాయ వేంకటేశాయ మంగళమ్
ఆకాలతత్త్వ మశ్రాంత మాత్మనా మనుపశ్యతామ్
అతృప్త్యమృత రూపాయ వేంకటేశాయ మంగళమ్
ప్రాయః స్వచరణౌ పుంసాం శరణ్యత్వేన పాణినా
కృపయాదిశతే శ్రీమద్-వేంకటేశాయ మంగళమ్
దయామృత తరంగిణ్యా స్తరంగైరివ శీతలైః
అపాంగై స్సించతే విశ్వం వేంకటేశాయ మంగళమ్
స్రగ్-భూషాంబర హేతీనాం సుషమావహమూర్తయే
సర్వార్తి శమనాయాస్తు వేంకటేశాయ మంగళమ్
శ్రీవైకుంఠ విరక్తాయ స్వామి పుష్కరిణీతటే
రమయా రమమాణాయ వేంకటేశాయ మంగళమ్
శ్రీమత్-సుందరజా మాతృముని మానసవాసినే
సర్వలోక నివాసాయ శ్రీనివాసాయ మంగళమ్
మంగళా శాసనపరైర్-మదాచార్య పురోగమైః
సర్వైశ్చ పూర్వైరాచార్యైః సత్కృతాయాస్తు మంగళమ్
శ్రీ పద్మావతి గోదా సమేత వేంకటేశ్వర స్వామినే నమః
bakthivahini