Thiruppavai 19th Pasuram-అండాళ్ భక్తి గాథల అర్థం

కుత్తు విళక్కెరియ క్కోట్టుక్కాల్ కట్టిల్ మేల్
మెత్తెన్ఱ పంచ శయనత్తిన్ మే లేఱి
కొత్తలర్ పూంగుళల్ నప్పిన్నై కొంగైమేల్
వైత్తు క్కిడంద మలర్ మార్పా వాయ్ తిఱవాయ్
మైత్తడం కణ్ణినాయ్ నీ ఉన్ మణాళనై
ఎత్తనై పోదుమ్ తుయిలెళ వొట్టాయ్ కాణ్
ఎత్తనై యేలుమ్ పిరివాత్త గిల్లాయాల్
తత్తువ మన్రు తగవేలోరెంబావాయ్

ఆండాళ్ కీర్తించిన తిరుప్పావై పాశురాలు భక్తి, ఆధ్యాత్మికత, మరియు వైష్ణవ సాంప్రదాయం గాథలను ప్రతిబింబిస్తాయి. 19వ పాశురంలో, అండాళ్ భగవత్ సేవకులకు చేసిన పిలుపు మరియు శ్రీవిష్ణువు భక్తి మార్గాన్ని వివరిస్తుంది.

నాలుగు వైపులా దీపాలు వెలుగుతున్న గదిలో ఏనుగు దంతాలతో చేసిన అందమైన కాళ్ళు గల పడక మీద కృష్ణుడు విశ్రమిస్తున్నాడని. ఇది శ్రీకృష్ణుని శయనాగారాన్ని వర్ణిస్తుంది.

చల్లదనము, తెల్లదనము మరియు మెత్తదనము కలిగి ఎత్తైన విశాలమైన శయ్యపై కృష్ణుడు ఆసీనులై ఉన్నారని అర్థం. ఇది శ్రీకృష్ణుని శయ్యను వర్ణిస్తూ, ఆ శయ్య యొక్క మృదుత్వమును మరియు విశాలత్వమును తెలియజేస్తుంది

నీలాదేవి యొక్క అందమైన జుట్టును వర్ణిస్తుంది. ఆమె జుట్టులో పూలు గుత్తులు గుత్తులుగా అలంకరించబడి ఉన్నాయని తెలుపుతుంది.

నీలాదేవి తలను వక్షస్థలంపై ఉంచుకొనిపారవశ్యంతో వికసించిన వక్షములు కలిగిన కృష్ణా! నీ నోరు తెరచి మాతో మాట్లాడుము. ఇక్కడ గోపికలు కృష్ణుని నిద్ర నుండి లేపడానికి ప్రయత్నిస్తున్నారు.

కాటుక పెట్టుకున్న విశాలమైన కళ్ళు కలిగిన నీలాదేవి. కృష్ణుని నుండి క్షణకాలం కూడా దూరం ఉండలేని స్థితిని వర్ణిస్తున్నారు .

నీవు కృష్ణుని నిద్ర నుండి ఎంతసేపైనా లేవనివ్వవు.నీకు ఇది తగునా

నీవు కృష్ణుని నుండి ఒక్క క్షణం కూడా దూరంగా ఉండలేవు.

స్వామిని నిద్రలేపి తలుపు తెరవమని అడుగుతున్న గోపికలు, స్వామిని వదలకుండా అడ్డుకోవడం సరైన పద్ధతి కాదని, ఇది ధర్మం కాదని చెబుతున్నారు.

ఈ పాశురం కృష్ణుడు మరియు నీలాదేవి మధ్య ఉన్న ఆత్మీయ, మధురమైన సంబంధాన్ని చిత్రిస్తుందని చెప్పవచ్చు. దీపాల సమ్మెదల వెలుగులో కృష్ణుడు హంసతూలికా శయ్యపై విశ్రాంతి తీసుకుంటూ, తన ప్రియురాలు నీలాదేవి అందమైన పుష్పాల గుత్తులతో అలంకరించబడిన తలను తన వక్షస్థలంపై ఆనించి ఆనందానికి ముగ్ధుడై ఉన్నాడు. ఈ దృశ్యం భక్తి సంబంధంలో దైవంతో ఉన్న సమీపతను ప్రతిఫలిస్తుంది. గోపికలు సున్నితంగా కృష్ణుని మందలించడం, నీలాదేవి క్షణకాలం కూడా అతని విరహాన్ని భరించలేనిదని చెప్పడం, కృష్ణుని గుణగణాలను మరింత అందంగా అభివర్ణించాయి. ఈ వర్ణన దైవానురాగం, ప్రేమ, మరియు భక్తి సంబంధంలోని పరమ ఆనందాన్ని అత్యంత హృదయస్పర్శిగా చూపిస్తుంది. ఇది భక్తుల హృదయాల్లో కృష్ణుని సాన్నిధ్యానికి ఆత్మిక ఆనందాన్ని కలిగిస్తుంది.

ఈ పాశురం
దైవ అనుగ్రహానికి మార్గం.
శ్రీకృష్ణుని సేవ మన ఆధ్యాత్మిక జీవనానికి పరమోన్నతిని అందిస్తుంది.
భక్తి, ప్రేమ, వినయం దైవాన్ని చేరేందుకు సాధనమని అండాళ్ ఈ పాశురం ద్వారా చెబుతున్నారు.