Shiva Tandava Stotram Telugu
జటాటవీ గలజ్జలప్రవాహ పావితస్థలే
గలేవలంబ్య లంబితాం భుజంగతుంగమాలికామ్
డమడ్డమడ్డమడ్డమన్నినాదవడ్డమర్వయం
చకార చండతాండవం తనోతు నః శివః శివమ్
జటాకటాహ సంభ్రమభ్రమన్ని లింప నిర్ఝరీ
విలోల వీచి వల్లరీ విరాజమాన మూర్ధని
ధగద్ధగద్ధగజ్జ్వలల్లలాట పట్టపావకే
కిశోర చంద్రశేఖరే రతిః ప్రతిక్షణం మమ
ధరాధరేంద్ర నందినీ విలాస బంధు బంధుర
స్ఫురద్దిగంత సంతతి ప్రమోదమాన మానసే
కృపాకటాక్ష ధోరణీ నిరుద్ధ దుర్ధరాపది
క్వచిద్దిగంబరే మనో వినోదమేతు వస్తుని
జటాభుజంగ పింగళ స్ఫురత్ఫణా మణిప్రభా
కదంబ కుంకుమ ద్రవ ప్రలిప్త దిగ్వధూముఖే
మదాంధ సింధుర స్ఫురత్త్వగుత్తరీయ మేదురే
మనో వినోదమద్భుతం బిభర్తు భూతభర్తరి
సహస్రలోచన ప్రభృత్యశేషలేఖ శేఖర
ప్రసూనధూళి ధోరణీ విధూసరాంఘ్రి పీఠభూః
భుజంగరాజమాలయా నిబద్ధ జాటజూటక
శ్రియై చిరాయ జాయతాం చకోరబంధు శేఖరః
లలాట చత్వరజ్వలద్ధనంజయ స్ఫులింగభా
నిపీత పంచసాయకం నమన్ని లింపనాయకమ్
సుధామయూఖలేఖయా విరాజమాన శేఖరం
మహాకపాలి సంపదే శిరోజటాలమస్తు నః
కరాళ ఫాలపట్టికా ధగద్ధగద్ధగజ్జ్వల
ధనంజయాధరీకృత ప్రచండ పంచసాయకే
ధరాధరేంద్ర నందినీ కుచాగ్ర చిత్రపత్రక
ప్రకల్పనైకశిల్పిని త్రిలోచనే మతిర్మమ
నవీనమేఘమండలీ నిరుద్ధ దుర్ధర స్ఫురత్
కుహూ నిశీథినీ తమః ప్రబంధ బద్ద కంధరః
నిలింప నిర్ఝరీధరస్తనోతు కృత్తిసింధురః
కళానిధాన బంధురః శ్రియం జగద్ధురంధరః
ప్రఫుల్ల నీల పంకజ ప్రపంచ కాలిమప్రభా
విలంబి కంఠ కందలీ రుచి ప్రబద్ధ కంధరమ్
స్మరచ్ఛిదం పురచ్ఛిదం భవచ్ఛిదం మఖచ్ఛిదం
గజచ్ఛిదాంధకచ్ఛిదం తమంతకచ్ఛిదం భజే
అఖర్వ సర్వ మంగళా కళా కదంబ మంజరీ
రసప్రవాహ మాధురీ విజృంభణా మధువ్రతమ్
స్మరాంతకం పురాంతకం భవాంతకం మఖాంతకం
గజాంత కాంధ కాంతకం తమంత కాంతకం భజే
జయత్వదభ్ర విభ్రమ భ్రమద్భుజంగమశ్వస
ద్వినిర్గమత్ క్రమస్ఫురత్ కరాళ ఫాలహవ్యవాట్
ధిమిద్ధి మిద్ధి మిధ్వనన్ మృదంగ తుంగ మంగళ
ధ్వనిక్రమ ప్రవర్తిత ప్రకండ తాండవః శివః
దృషద్విచిత్ర తల్పయోర్భుజంగ మౌక్తిక స్రజో
గరిష్ఠ రత్నలోష్ఠయోః సుహృద్విపక్ష పక్షయోః
తృష్ణారవింద చక్షుషోః ప్రజామహీ మహేంద్రయోః
సమం ప్రవృత్తిక కదా సదాశివం భజామ్యహమ్
కదా నిలింప నిర్ఝరీ నికుంజకోటరే వసన్
విముక్త దుర్మతిః సదా శిరఃస్థమంజలిం వహన్
విలోల లోలలోచనో లలాటఫాల లగ్నకః
శివేతి మంత్రముచ్చరన్ సదా సుఖీ భవామ్యహమ్
ఇమంహి నిత్యమేవ ముక్తముత్త మోత్తమం స్తవం
పఠన్ స్మరన్ బృవన్నరో విశుద్ధిమేతి సంతతమ్
హరే గురౌ సుభక్తిమాశు యాతి నాన్యథా గతిం
విమోహనం హి దేహినాం సుశంకరస్య చింతనమ్
పూజావసానసమయే దశవక్త్రగీతం యః
శంభుపూజనపరం పఠతి ప్రదోషే
తస్య స్థిరాం రథగజేంద్ర తురంగయుక్తాం
లక్ష్మీం సదైవ సుముఖిం ప్రదదాతి శంభుః
ఇతి శ్రీదశకంఠరావణ విరచితం శ్రీ శివ తాండవ స్తోత్రం సమాప్తం
bakthivahini